Të ënjtën mbrëma rreth orës 22.25 minuta në Gjilan është regjistruar një dridhje e tokës, e cila ka shqetësuar qytetarët e atjeshëm. Sipas RTV21, dridhja e intensitetit të dobët është ndjerë edhe në Prishtinë.

Tërmeti është ndier edhe në Luginën e Preshevës. Dridhjet ishin të lehta me kohëzgjatje të shkurtër, megjithatë kanë ngjallur panik në mesin e qytetarëve, shumë prej të cilëve me nxitim kanë lëshuar shtëpitë e tyre duke dalë në oborre nga frika se dridhjet do të përsëriten dhe se ato do të jenë edhe më të forta.

Përveç Gjilanit dhe Preshevës, tërmeti është ndier edhe në Kumanovë dhe Shkup. Enti Seizmiologjik i Maqedonisë ka njoftuar se tërmeti ka qenë 3.5 shkallë të Rihterit, ndërsa epiqendra ka qenë 10 kilometra në juglindje të Preshevës.

Patīk 3