U bënë ditë që jam pa ty. Ditë që më ke larguar nga vetja jote. Ndonjëherë, e lodhur nga kjo gjendje do të doja të kisha aftësinë tënde për t’i futur block delete ndjenjave të mia, por s’mundem dhe s’dua. Ditët më duken bosh pa ty… gjithcka më duket e pakuptimtë. Ti i njeh ndjenjat e mia… e di sa të dua. Vetë më ke thënë mos të të doja si e marrë… po vallë a kontrollohen ndjenjat? Unë s’e di ku e gjejnë njerëzit forcën që s’lëkunden nga fjala “të dua”. Nga cili burim pinë që asgjë s’ia prek zemrën? Të tjerët më quajnë të marrë pse të dua kaq shumë dhe pse vuaj për këtë ndarje…

por kush ka dashuruar ndonjëherë në jetë e di shumë mirë se zemra nuk komandohet, ndjenjat nuk shuhen vetëm me një fjalë, dashuria s’harrohet vetëm në një natë… as shekujt s’e kanë forcën ta mposhtin dashurinë e vërtetë. Ndoshta s’po tregohem e drejtë me veten time që vazhdoj të të mendoj, që vazhdoj të ëndërroj sërisht për ty… je dhurata më e bukur që Zoti vuri në rrugën e jetës sime dhe si një fëmijë i lumtur dua ta mbaj thellë në gji kujtimin tënd, sepse më përket vetëm mua… më lumturon vetëm mua dhe do ta ruaj si gjënë më të shtrenjtë. Nëse ti ke vendosur të më largosh nga jeta jote, po të lë të lirë… shko jeta ime, jeto… ji i lumtur dhe për mua. Të jesh i sigurtë se gjithmonë do jetë dikush që do të të dojë në cdo cast, në cdo sekondë. Si një engjëll do të të shoqëroj me lutjet e mia dhe të betohëm për ZOTIN se cdo ditë do ia ofroj Zotit lumturinë time në këmbim të lumturisë tënde. Të uroj të jesh gjithmonë i lumtur në jetë… këtë ma ke borxh… Ji i lumtur për të dy dhe mos e harro që TE Duaaa...

Patīk 11