İnsanlar var ki,ayrılmağı bacarmır.Tanış olurlar,bağlanırlar,öyrəşirlər...
Və əldə saxlamağa çalışırlar.Zəng edir,sms yazır,görüşlərə can atırlar.Buraxmırlar ki,buraxmırlar.
Onlara elə gəlir ki,tanıdıqları bu insanla bərabər özlərindən də bir parça itirirlər.Deməkdənsə ki,oldu keçdi,davam etmək lazım bu həyatı.Və unutmaq.Rast gələn zaman gülümsəmək və ayrılan kimi yenə unutmaq.Axı gedənləri yadda saxlamaqla nə qazanırıq? Axı sənin olmayandan ikiəlli yapışmaq nəyə lazım?Hər şeydən əvvəl özünə əzab vermək nəyə lazım?Əzab çəkmək, onun sözlərini, hərəkətlərini xatırlamaq, gələcək haqda xam xəyallar qurmaq-heç vaxt olmayacaq bir gələcək haqda.
İnsanlar var ki əldə saxlaya bilmirlər....Ehtiyatsız hərəkət,mənasız bir söz...
Və sən onun gözlərində yaranan boşluğa şahid olursan.O sənə seçim haqqı verir-özün seç.Çağırmır,sənin üçün mübarizə aparmır.Zəng etmir,yada salmır,sənsiz necə çətin olduğunu danışmır.Sonra da gülümsəyərək görmək istədiyini bildirmir.Onunla bilmirsən ki sən ona vacibsən ya yox.O həm var ,həm də yoxdur.
Zəng etməsən o da zəng etməyəcək.Axtarmasan o da axtarmayacaq.Görüşməyə razıdır,sanki bunu da minnətlə edəcək.Axı sən nə istəyirsən?Yenə də əsassız fikirlərlə qarşılaşırsan.Və bu vacib fraza səni dəyərsiz edir -heç kiç heç kimə heç nə borclu deyil.Danış sənə nə lazımdır,bir az od yarat,bir az hərəkətə gəl.Eybi yox qoy sonradan o alov sönsün,amma indi heç olmasa səndən istilik hiss olunsun,darıxdırıcı biri olduğun kimi yox,qığılcımlarla yada qalarsan.
İnsanlar var nə istədiyini bilməyən...Elə bil ki yanındakı istədiyi adamdır,ona lazım olan...
Və elə bil ki,hər şey gözəldir.Baxışlar da,təbəssümlər də və hər sözdən xoşbəxtlik paylanır ətrafa.Bax hər şey uyğun gəlir.Amma yenə də nəsə düzgün deyil.Nə isə çatışmır.Bu hiss içəridən didir, parçalayır səni.Sağa baxırsan,sola baxırsan.Bu dəfə belə deyəcəm,mütləq qərarımı dəyişəcəm.Belə yaşamaq olmaz,o mən istəyən deyil.Mən tamam başqa şey istəyirdim.Dəyişəcəm həyatımı,hər şey mən istəyən kimi olacaq.Amma yenə də hər şey təkrarlanır.Yenə də nə isə elə deyil.

Patīk 3