ვნების ღამეა ვარსკვლავები როკავენ ცაზე,
და მეც სიყვარულს გეფიცები უგონოდ მთვრალი,
ღვნის ბრალია, არ შემიძლია ჩემო პატარა
შენ და სიყვარულს შემოგხედოთ ფხიზელი თვალით
ეს მხოლოდ ღამით, ხვალ დილით კი მოვა სიფხიზლე,
ხვალ დილით აღარ მომინდება ალერსი კარგო
ღვინის ბრალია ჩემი გულის გახალისება
თორემ ყველანი ვიბადებით და ვკვდებით მარტო
მაშ ნუღარ სტირი ნუ იცრემლავ სევდიან თვალებს
მიყვარხარ სანამ შეკრული ვარ ბახუსის ღმერთთან
სანამ მთის მწვერვალს განთიადი ააელვარებს,

ნუ შეშინდები, გამომყევი... წამოდი ჩემთან.