Suda üzən balıq olum,
Qızıl pulcuq pəri olum
Üzüb sahildə can olum,
Təki sənin yarın olum.

Bir budaqda yarpaq olum,
Payız olum xəzəl olum
Bir küləyə qurban olum,
Təki sənin yarın olum.

Bağında bağbanın olum,
Gül üstündə bülbül olum
Valla istə cəh-cəh vurum,
Təki sənin yarın olum.

Yolunda mən tozun olum,
Ayaq altda izin olum
Ay yar sənə qurban olum,
Təki sənin yarın olum.

Bir incinin daşı olum,
Üzüyünün qaşı olum
Barmağına qonaq olum,
Təki sənin yarın olum.

Göydə böyük bulud olum,
Çevrilim gur yağış olum
Yanağına mən toxunum,
Təki sənin yarın olum.

Könül mehmanın olum,
Hicran qovub vüsal oum
Elnurəyəm arzum sənin,
Təki sənin yarın olum.

ELNURƏ AĞAZADƏ

Patīk 3