İnanma Mənə

Mən biraz əsəbi,biraz dəlisov,
Desəm ki,sevmirəm,inanma mənə.
Gəl dəli şeytanı ürəyindən qov,
Desəm ki,sevmirəm,inanma mənə.



Gözlərin dərindir göylərdən belə,
Qoymaram o gözdən gələ bir gilə,
Allah bu kəlməni dilimdən silə,
Desəm ki,sevmirəm,inanma mənə.



Baxdım kirpiyində olan düzümə,
Bir çəpər çəkilib sanki gözünə,
Özüm inanmaram inan özümə,
Desəm ki,sevmirəm,inanma mənə.



Küləklər sözümü dilimdən alsın,
Sovursun göylərə bir çarə qılsın,
Indidən deyirəm xəbərin olsun,
Desəm ki,sevmirəm,inanma mənə.



Olsam da axırın,olsam da ilkin.
Mənim tərsliyimdən biraz qorx,çəkin!
Mənə inanmağın gözəldir,lakin...
Desəm ki,sevmirəm,inanma mənə.



Hər nəyə baxıram,səni əks edir,
Dilim bütün günü səndən bəhs edir,
Eşqin ürəyimlə sanki rəqs edir,
Desəmki,sevmirəm,inanma mənə.



Diqqətlə bax mənə,həmin Xəlildir,
Sadəcə dəyişən bir neçə ildir,
Titrəyən əllərim buna dəlildir,
Desəm ki,sevmirəm,inanma mənə...

Patīk 3